sjodurinngodi

Viltu styrkja Sjóðinn góða?

Sun, 14 Jun 2026 10:38:29 GMT

Þeim sem vilja styrkja Sjóðinn góða er bent á að söfnunarreikning Sjóðsins:

Kt. 560269-2269 (Kennitala Selfosskirkju).

0325 13 301169

Hlutverk sjóðsins góða er að styrkja einstaklinga og fjölskyldur sem standa höllum fæti og eiga ekki fyrir nauðþurftum fyrir jólin og einnig á vormánuðum fyrir fermingar.

Sjóðurinn góði veitti styrki úr sjóðnum í desember 2022 að upphæð 11.415.000 milljónir.

Umsókn um neyðaraðstoð úr Sjóðnum góða 2025

Mon, 17 Nov 2025 10:36:30 GMT

Frá Sjóðnum góða

Sótt er um neyðaraðstoð í Sjóðnum góða fyrir jól 2025 hér inni á síðunni.

Opnað verður fyrir umsóknir 24. nóvember og er síðasti dagur rafrænna umsókna er 10. desember.

Opinn umsóknardagur verður í Selinu, við Engjaveg þriðjudaginn 2. desember frá 11:00-14:00. Dagana 4. og 9. desember frá 16:00-18:00 verður hægt að hringja í síma 772 5406 og fá aðstoð við umsóknir. Úthlutunardagur verður í Selinu við Engjaveg 16. desember frá 13:00-17:00.

Gögn sem þurfa að fylgja öllum umsóknum eru: Tekjur og útgjöld fyrir októbermánuð. Umsóknir verða ekki afgreiddar nema fullnægjandi gögn fylgi umsóknum. Haft verður samband við þau sem ekki uppfylla skilyrði til úthlutunar og þau sem fá úthlutun fá sms um samþykki úthlutunar.

Þakkir

Wed, 19 Feb 2025 10:33:10 GMT

Frá Sjóðnum góða

Sjóðurinn góði var stofnaður 2008 í kjölfar bankahrunsins. Sjóðurinn er samstarfverkefni Rauða krossins, félagsþjónustunnar í sveitarfélögum í Árnessýslu, kirkjusókna í Árnessýslu, Hjálparstarfs kirkjunnar, ýmissa kvenfélaga og Lionsklúbba.

Hlutverk sjóðsins góða er að styrkja einstaklinga og fjölskyldur sem standa höllum fæti og eiga ekki fyrir nauðþurftum fyrir jólin og einnig á vormánuðum fyrir fermingar. Starfshóp skipa fulltrúar áðurnefndra aðila sem sjá um að skipuleggja umsóknarferlið og annast úthlutun. Stuðst er við viðmið Hjálparstofnunar kirkjunnar varðandi mat á umsóknum.

Fyrir jólin 2024 bárust 284 umsóknir og úthlutað var úr Sjóðnum fyrir um 13.000.000. Úthlutunin og aðstoðin væri ekki möguleg nema vegna allra þeirra gjafa sem berast Sjóðnum góða frá einstaklingum, félagasamtökum, stofnunum og verslunum bæði í formi peninga og jólagjafa. Sjóðurinn góði færir öllum þeim sem með einum eða öðrum hætti hafa styrkt hann hugheilar þakkir fyrir. Án ykkar stuðning væri ekki mögulegt að halda úti svo öflugri samfélagsaðstoð.